admin
2025 жылғы 3–5 маусымда «Қазақстан-Ресей медициналық университеті» МЕББМ бакалавриат, магистратура, докторантура және резидентура білім беру...
2025 жылғы 14–16 мамыр аралығында халықаралық сыртқы сараптамалық комиссия әл-Фараби атындағы ҚазҰУ-дың «Стоматология» және «Жалпы медицина» мамандықтары бойынша бакалавриат бағдарламаларына, сондай-ақ бастапқы мамандандырылған аккредиттеу аясында резидентура бағдарламаларына бағалау жүргізді.
2025 жылғы 29–31 мамыр аралығында халықаралық сыртқы сараптамалық комиссия “Progress-University” (Гюмри қаласы, Армения Республикасы) университетіне институционалдық және «Жалпы медицина» мамандығы бойынша бакалавриат білім беру бағдарламасына бағалау және сараптама жүргізді.
2025 жылғы 28–29 сәуір аралығында халықаралық сыртқы сараптамалық комиссия «Ұлттық ғылыми онкологиялық орталық» ЖШС резидентура мамандықтары бойынша білім беру бағдарламаларын бағалады.
2025 жылғы 24–25 сәуір аралығында халықаралық сыртқы сараптамалық комиссия ШЖҚ «Түркістан жоғары медицина колледжі» КМК-не институционалдық бағалау жүргізді.
«Мейіргерлік білім мен практиканы дамытудың перспективалары» атты халықаралық ғылыми-тәжірибелік конференция аясында қосымша және бейресми білім беруді аккредитеу (үздіксіз кәсіби даму) бойынша сарапшыларды дайындау бойынша дөңгелек үстел, 4 сәуір 2025 ж.
2025 жылғы 4 сәуірде Білім беруді, денсаулық сақтауды сапамен қамсыздандыру және Аккредиттеудің Еуразиялық Орталығы (АЕО) «Қосымша және бейресми білім беруді аккредиттеу мәселелері» тақырыбында оқыту семинарын өткізді.
Семинардың мақсаты – жоғары медициналық колледждердің академиялық қауымдастығының өкілдерін, студенттерді және тәжірибелік денсаулық сақтау саласының мамандарын қоса алғанда, қосымша және бейресми білім беруді аккредиттеу бойынша сарапшылардың рөлін айқындау және түсіндіру болды.
Семинар барысында институционалдық аккредиттеудің мақсаттары мен міндеттері, білім сапасын бағалаудың негізгі үдерістері, сондай-ақ сарапшылардың институционалдық аккредиттеу стандарттарына сәйкестікті дәлелдейтін айғақтарды жинау үшін қолданатын әдістері талқыланды. Бұл стандарттарды АЕО денсаулық сақтау саласының мамандарына арналған үздіксіз кәсіби дамудың сапасын арттыру жөніндегі Дүниежүзілік медициналық білім беру федерациясының (WFME) халықаралық стандарттары негізінде әзірледі.
Семинарға Қазақстанның 19 жоғары медициналық колледжінің басшылары мен қызметкерлері, Қазақстан медициналық колледждері одағының өкілдері, тәжірибелік денсаулық сақтау саласының мамандары және студенттер қатысты.
Барлық қатысушыларға сертификаттар табысталды.
Аталған іс-шара АЕО-ның 2023–2025 жылдарға арналған Стратегиялық даму жоспары шеңберінде, сондай-ақ АЕО-ның медициналық, фармацевтикалық және мейіргерлік білім беру салаларында аккредиттеу бойынша сарапшылардың құзыреттерін арттыру бағытында жүзеге асырылды.