«Білім беруді, денсаулық сақтауды сапамен қамсыздандыру және аккредиттеудің Еуразиялық орталығы» Коммерциялық емес мекемесі (АЕО КеМ) студенттерді аккредиттеу үдерісіне тарту, тіс дәрігерлеріне білім беруді дамыту және сапамен қамсыздандыру мақсатында “Қазақстандық жас тіс дәрігерлері гильдиясы” (ҚЖТГ) қоғамдық ұйымымен меморандумға қол қойды.
ҚЖТГ міндеті - тіс дәрігерлеріне білім беруді жақсартуға бағытталған әртүрлі іс-шараларды (ғылыми конференциялар, конгресстер, съездтер, көрмелер, семинарлар, олимпиадалар, симпозиумдар, мастер класстар және т.б.) жоспарлауға, ұйымдастыруға, өткізуге бағытталған мемлекеттік бағдарламаларды іске асыруға көмек көрсету.
ҚЖТГ Қазақстан Республикасының аумағында стоматология саласындағы ғылыми зерттеулер мен жобаларды жоспарлаумен, ұйымдастырумен және өткізумен айналысады.