2022 жылғы 26-28 қазанда Еуропалық білім беру сапасын қамтамасыз ету қауымдастығының Бас Ассамблеясында ENQA-ға толық мүшелік туралы сертификатты көптен күткен ресми тапсыруы өтті. (the European Association for Quality Assurance in Higher Education, 2022 ENQA General Assembly, 26-28 October 2022, Stockholm, Sweden)

Іс-шара Karolinska Institutet базасында өткізілді

Рәсім салтанатты түрде өтті және Білім беруді, денсаулық сақтауды сапамен қамсыздандыру және Аккредиттеудің Еуразиялық орталығының (ECAQA) ғылыми кеңесшісі Ф.Н. Нұрманбетова сертификатты ENQA Президенті Дуглас Блэкстоктың қолынан алды.

ECAQA үшін бұл барлық қызмет түрлерінде білім беру ұйымдары мен білім беру бағдарламаларын аккредиттеуді жүргізуде ESG халықаралық стандарттарын ұстанатынымызды көрсететін үлкен жеңіс.

Естеріңізге сала кетейік, ECAQA аккредиттеуді ДМББФ білім беру сапасын жақсартудың Халықаралық стандарттары негізінде әзірленген және ESG стандарттарымен үйлестірілген стандарттарды қолдана отырып жүргізеді.

Келесі қадам – Еуропалық жоғары білім сапасының (EQAR) Тізіліміне ECAQA-ны тіркеу.

ENQA-ға толық мүшелік және EQAR-ға қосылу аккредиттеу органына экономиканың, өнеркәсіптің, гуманитарлық және әлеуметтік саланың барлық салаларындағы мамандықтар бойынша білім беру ұйымдары мен білім беру бағдарламаларын аккредиттеуге мүмкіндік береді.