2021 жылдың, 2 желтоқсанында Білім беруді, денсаулық сақтауды сапамен қамсыздандыру және аккредиттеудің Еуразиялық орталығы (АЕО) “Еуропалық жоғары білім кеңістігінде сапамен қамсыздандыру стандарттары мен нұсқаулықтар (ESG 2015): кіріспе және интерпретация” атты вебинар өткізді.

Арнайы шақыртылған спикер Ронни Хайнс (Ronny Heintz), Білім беру бағдарламаларының сапамен қамсыздандыру және аккредиттеу агенттігінің (AQAS) аға кеңесшісі сөз сөйледі.

Вебинарға тіркелген қатысушылар саны 115 - оның ішінде Қазақстан Республикасы, Өзбекстан Республикасы, Ресей Федерациясы және Оңтүстік Кореяның білім беру ұйымдарының өкілдері болды.

Вебинардың мақсаты: білім беруді сапамен қамсыздандырудағы ESG рөлін және оны білім беру ұйымдарын аккредиттеу процесінде қолдануды түсіндіру арқылы АЕО аккредиттеу сарапшыларының әлеуетін арттыру.

Сондай-ақ вебинарда білім берудің сапасын сыртқы бағалаудағы шетелдік сарапшылар мен студенттер өкілдерінің рөлі талқыланды және аккредиттеуді өткізудегі Германия тәжірибесі ұсынылды. Ронни Хайнс ESG 2 және 3 бөлімдеріне қысқаша шолу жасап, 1 бөлімге көбірек тоқталды.

Вебинардың жазбасы https://drive.google.com/file/d/1QfzhGhLEcM7FGc3fK02q6b3AShNCs-SW/view?usp=sharing

АЕО іс-шараларын жіберіп алмас үшін әлеуметтік желілердегі парақшаларына тіркеліңіз @ecaqa_org (Facebook, Instagram, Twitter).